Gabon Tottenhami, mposhtet në shtëpi nga West Hami

15:24 | 27 Prill 2019
Arbresh Info

Tottenhami ka rrezikuar shpresat për top katërshe me disfatën e pësuar pasditen e sotme (e shtunë).

Skuadra e Mauricio Pochettinos është mposhtur me rezultat minimal 0 me 1 në ndeshjen e xhiros së 36-të në Premierë Ligë nga West Ham United, shkruan portali arbresh.info.

Me golin nga Michail Antonio në minutën e 67′, skuadra nën udhëheqjen e Manuel Pellegrinit u largua me tri pikë nga stadiumi i ri i Tottenhamit.

Michail Antonio duke festuar golin që rezultoi të jetë vendimtar

Antonio shënoi bukur pas një super asistimi nga Marko Arnautovic.

Nikoqirët tentuan rikthimin dhe kishin rastet e tyre por dështuan para portës ndërkohë që mysafirët rrezikonin vazhdimisht me kundërsulme.

Tottenhami vazhdon qëndrimin në pozitën e tretë në Premierë Ligë me 70 pikë, tri më shumë se Chelsea në pozitën e katërt me një ndeshje më pak, ndërsa West Ham tani ka 46 pikë dhe qëndron në pozitën e 11-të./arbresh.info/